Larunbatean aurkeztuko du denboraldi berria Zintzilik Irratiak
Kontzertua antolatu du irrati libreak Niessen Kulturgunean denboraldi berriaren berri emateko.
Zintzilik irrati libreak denboraldi berria aurkezteko kontzertua antolatu du. Denboraldi berria aurkeztuko du Zintzilik Irratiak larunbatean. Ez du nolanahi egingo, gainera, kontzertua antolatu baitu horretarako. Giroa berotzeko DJ Slektor Don Lope irratiko kideak hasiko du emanaldia. Haren ondotik, berriz, Rodeo zestoarrak eta Maruri Jatabeko Sua taldea ariko dira oholtza gainean.
Kontzertuaren aurretik, denboraldi berriko irratsaioen parrila ere aurkeztuko dute irrati libreko kideek.
Niessen Kulturguneak hartuko du Zintziliek aurkezpen jaialdia 20:15etik 0:00etara. Musikarekin batera, edatekoak ez dira faltako ezta jatekoak ere, eta bestalde, postua jarriko dute irati librearen materiala saltzeko.
Sarrerak 6 euroan salduko dituzte. Horiek egunean bertan eskuratu ahalko dira 20:00etatik aurrera aretoaren kanpoaldean. Zintzilagunek doakoa dute sarrera; gainontzekoei abisua, esku dirutan baino ezingo da ordainketa egin.
