Igandeko 08:15etik 14:30era, Nafarroa etorbide osoa itxita Behobiagatik
Hainbat auzotan eragin nabarmena izango du lasterketak. Garraio publikoa martxan izango da, baina aldaketekin.
Korrikalariek Nafarroa etorbidetik zeharkatuko dute herria. Ohikoa denez, igandeko Behobia-Donostia lasterketak Errenteria-Oreretako trafikoan eragin nabarmena izango du. Eraginik nabarmenena: Nafarroa etorbidea ibilgailuentzat moztuta izango da 08:15etik 14:30era. Beraz, Lartzabalgo, Fanderiako, Erdialdeko (Hirigune Historikoa barne) eta Iztietako bizilagunek adi ibili beharko dute ibilgailua erabili nahi badute. Udalaren webgunean ikus daitezke auzo horietan zein eragin izango duen lasterketak, eta ezarri diren alternatibak.
Herriko aparkatzeko eremuetan ere izango du eragina lasterketak. Hala, bi berezi ezarriko ditu udalak larunbata eta astelehena bitartean: hilaren 11ko (larunbata) 20:00etatik, hilaren 13ko (astelehena) 09:00etara Touring etorbideko tenis pista nahiz Arramendiko kanpa parking modura egokituko dituzte.
Garraio publikoari dagokionez, horrengan ere eragina izango du probak. Urbanoak nahiz herri arteko Ekialdebusen lineen geltokiek eta bideek aldaketak izango dituzte. Horien berri izateko joan udalaren webgunera.
