Indarkeria bikarioa salatuko du bihar mugimendu feministak
Euskal Herriko Emakumeen Mundu Martxaren deialdiarekin bat egin du Oreretako Asanblada Feministak; elkarretaratzea egingo dute 19:00etan Niessen Merkatalgunearen sarreran.
Indarkeria matxista salatzeko pasa den maiatzean egindako elkarretaratze baten artxiboko irudia. Elkarretaratzera deitu du Oreretako asanblada Feministak bihar. Nafarroan, Urbasan zehazki, bere aitarekin batera hilda azaldu den zazpi urteko haurraren heriotza ikertzen ari badira ere, zantzu guztien arabera, indarkeria bikarioa dago haren atzean. Euskal herriko Emakumeen Munduko Martxak egindako bide beretik, Oreretako Asanblada Feministak haurraren heriotza salatzera deitu du bihar; 19:00etan izango da elkarretaratzea Niessen merkatalgunearen sarreran.
Indarkeria bikarioa baliatzen dute gizonek seme-alabei kalte eginda emakumeei sufrimendua eragiteko. Ikertzen ari badira ere, Urbasan hilda aurkitu duten haurraren kasua indarkeria bikarioari lotutakoa dela adierazten dute zantzu guztiek. Baieztatuko balitz, indarkeria matxistak 2003az geroztik hildako hamabigarren haurra litzateke.
