Montxo Jimenez Txapelketaren finala jokatuko dute bihar
Finalean ijito komunitateko bi bikote ariko dira nor baino nor, 20:00etan hasita. Partida Agustina Otaolan izango da.
Aurreko ekitaldi bateko artxiboko irudi bat. Astelehenetik bihar arte egiten ari diren Ijito Kultur Astearen barruko ekitaldi sonatuena da zalantzarik gabe Montxo Jimenez Pilota Txapelketa. XII. ekitaldia du honakoa, eta bihar izango da final handia.
Astelehenean egin zuten txapelketaren lehen jardunaldia; esku pilota partidan Mindara eta EPLEko pilotariak aritu ziren Agustina Otaola udal pilotalekuan. Final handia, berriz, bihar jokatuko dute. Ijito komunitateko bi bikotea izango dira nor baino nor frontoian 20:00etan hasita. Urtero bezala, biharko final horretan ere, giro paregabea espero dute antolatzaileek.
Finala jokatuta, sari banaketaren txanda helduko da.
