Lekuona Fabrika zabalik izango da ikasleentzat asteburuetan
Hilaren 25etik 2024ko urtarrilaren 21era arte izango da zabalik, eta ikasgela gisa baino ezingo da erabili espazioa.
Lekuona Fabrika zabalik izango da ikasleentzat asteburuetan hilaren 25etik urtarrilaren 21a bitartean. Espazioa, ikasgela gisa baino ezingo da erabili, ez da beraz, bestelako zerbitzurik eskainiko liburu mailegua edota ordenagailu erabilera, beraz ezingo da egin. Bigarren solairua baino ez da erabilgarri izango udalak jakinarazi duenez.
Lekuona Fabrikaren ohiko ordutegia zabaltzea suposatzen du zerbitzu hori eskaintzeak. Horren arabera, larunbat arratsaldetan, 14:30etik 20:00ak arte izango da zabalik. Igandeetan, berriz, 09:00etatik 14:00etara. Zerbitzua guztiz itxita izango da abenduaren 24 eta 31n, eta urtarrilaren 6an.