Haurren eta Nerabeen Eskubideen aldeko nazioarteko eguna ospatuko da Pasaian
Gaurtik hilaren 29ra arte, jarduera mordoa izango dira herritarren eskura. Ekintza batzuk haur eta gazteek proposatu dituzte. Besteak, aldiz, 'Eskubidean' herri proiektuak antolatu ditu.
Azaroaren 20a Haurren eta Nerabeen Eskubideen aldeko nazioarteko eguna da, eta Pasaiak bat egin du beste urte batez egun horren ospakizunekin. Gaurtik (hilak 17) hilaren 29ra arte, jarduera mordoa izango dira herritarren eskura. Ekintza horietako batzuk haur eta nerabeek haien parte hartzearen bitartez proposatutakoak dira. Beste batzuk, aldiz, Eskubidean herri proiektuaren baitan antolatu dira, elkarlanean. Pasaiako Udalak, hezkuntza komunitateek eta udaleko hainbat zerbitzuk garatu dituzte jarduera horiek.
Hona hemen programazio osoa:
- Hilak 17-24: Ekintza bereziak hezkuntza komunitatean tratu onaren alde. Astean zehar zein egunean bertan haurren eta nerabeen eskubideen inguruko zenbait jarduera egingo dituzte.
- Hilak 20: Ipuin kontaketa. 17:30ean Antxoko Kultur Etxean.
- Hilak 22: Ipuin kontaketa. 17:30ean Trintxerpeko liburutegian.
- Hilak 23: Nerabezaroa eta sexualitatea gurasoei zuzendutako hitzaldia, Goxatu sexualitate eta genero aholkularitzaren eskutik. 18:00etan Donibaneko Kulturguneko topagune gelan. Hitzaldia euskaraz zein gaztelaniaz izango da. Saiora joateko, beharrezkoa da aurrez izena ematea helbide elektronikora mezua bidalita. Hilaren 22a baino lehen eman behar da izena.
- Hilak 24: Jolasak eta txokolate hartzea, udal zerbitzuek antolatuta. 17:00etatik aurrera Donibaneko frontoian.
- Hilak 25: Meri, Mari eta Lari ikuskizuna. 3 urtetik aurrerako haurrentzat. 17:30ean Antxoko Kultur Etxean. Ipuin eta kantuz osatutako antzezlana da. Ipuinak sexu eta genero aniztasunaz hitz egiten dute, familia eredu desberdinez, beldurrak baztertzeaz eta askatasunaz.
- Hilak 27: Ipuin kontaketa. 17:30ean San Pedroko liburutegian.
- Hilak 28: Nerabezaroa eta sexualitatea gurasoei zuzendutako hitzaldia, Goxatu sexualitate eta genero aholkularitzaren eskutik. 18:00etan Trintxerpeko Ulia Kultura aretoan. Hitzaldia euskaraz zein gaztelaniaz izango da. Saiora joateko, beharrezkoa da aurrez izena ematea helbide elektronikora mezua bidalita. Hilaren 27a baino lehen eman behar da izena.
- Hilak 29: Ipuin kontaketa: 17:30ean Donibaneko Kulturguneko erabilera anitzeko gelan.
