Emakumea eta plazera, hizpide jatorri askotariko emakumeen gunean
Jatorri askotariko emakumeek eta Pasaian bizi diren emakumeek elkar ezagutzeko eta sareak sortzeko aukera eskaintzen du guneak. Azaroko topaketa hilaren 29an izango da, 17:00etan, Trintxerpeko Alkateordetzan.
Emakumeak eta plazera izango dituzte hizpide jatorri askotariko emakumeek elkar ezagutzeko gunearen azaroko topaketan. Hilaren 29an elkartuko dira Trintxerpeko Alkateordetzan, 17:00etan.
Jatorri askotariko emakumeen taldeko kideek eta Pasaian bizi diren emakume batzuek elkar ezagutzeko eta sareak sortzeko aukera ematen du gune horrek, ezagutzarako eta eztabaidarako tartea emanez. Asteazkeneko saioan, kultura ezberdinetan emakumeen plazera ulertzeko modua izango da abiapuntua, Askotariko gorputzak, gorputz gozagarriak lelopean.
