Oarsoinua jaialdia, larunbatean, Lekuona Fabrikan
Parabellum, Josetxu Piperrak, Zero eta Astelehen Goizak taldeak ariko dira kontzertuan 18:00etan hasita.
Ez dio hutsik egin urteroko hitzorduari. Oarsomusikak, hilaren 25ean, larunbata, egingo du 11. urtez Oarsoinua kontzertua. 18:00etan hasiko da. Ez du nolanahiko kartela osatu, gainera: Parabellum, Josetxu Piperrak, Zero eta Astelehen Goizak taldeak arituko dira Lekuona Fabrikaren agertokian.
Punk rock talde mitikoa da Parabellum. 1983an Barakaldon (Bizkaia) sortu zen eta bere No hay opcion eta Bronka en el bar Euskal Rock Erradikalaren historiaren zati dira. Larunbateko kontzertuan, 2020an ondutako El grito del hambre azken lana aurkeztuko du taldeak.
Piperrak taldea desegin eta urte batzuk geroago, 2015ean, taldeko abeslaria zenak, Josetxuk, The river rock bandarekin batera Josetxu piperrak sortu zuen. Piperrak taldearen klasiko zaharrak errepasatu, eta abesti berriak sortzea erabaki zuen. Gritando otra vez da bere azken lana.
Zero taldea berriz, pandemiaren ostean heldu zen eta bertan punk eszenako musikari ezagunek egin dute bat, tartean, Txerra Bolinagak, RIP punk talde mitikoaren bateriak. Taldearen izen bereko EP bat dute, eta laster argia ikusiko duen disko berria grabatu du taldeak.
Azkenik rock talde musika gaztea aukeratu du larunbateko kontzerturako Oarsomusikak, Oiartzungo Astelehen goizak taldea hain zuzen ere.
Sarrerak 12 euroan daude salgai 12 euroan. Erosteko egin klik hemen. Barran prezio herrikoiak izango dituztela esan dute antolatzaileek.
