San Silbestrerako izena eman daiteke
Helduei begira, bi ibilbide: 3,5 kilometrokoa eta 7 kilometrokoa; San silbestre txikia ere egingo dute.
Errenteriako Atletismo Taldeak, urtero moduan, eta hobekien egiten dakienarekin agurtuko du urtea: korrika. Gaur zabaldu du, dagoeneko izena eman daitekeela San Silbestre lasterketan, helduei begirako bi ibilbideetan, zein txikiei begira antolatzen duten lasterketan.
Online, abenduaren 29ra arte izango da izena emateko aukera; prezioa, 15 euro. Horretarako egin klik hemen. Helduek bi ibilbide izango dituzte aukeran: 3,5 kilometrokoa (14 urtetik gorakoek), eta 7 kilometrokoa (16 urtetik gorakoek).
Hilaren 31n izango da lasterketa, helduena 17:00etan abiatuko da Zumarditik, eta izena emateko muga 1.000 lasterkaritan ezarri dute. Lasterketa egunean, arratsaldean, ez dute izen ematerik onartuko antolatzaileek.
Inskripzio bakoitzeko euro bat, Juneren Hegoak elkartearentzat izango da.
San Silbestre Txikian parte hartzen dutenek, kilometro bat osatu beharko dute. Horien irteera txandakakoa izango da baina: Benjaminak 16:30ean abiatuko dira zumarditik; alebinak 16:40an; eta infantilak, 16:50ean.
Lasterketarako dortsalak Galtzarabordako kiroldegian jaso beharko dituzte, abenduaren 30ean 10:00etatik 13:00etara eta 17:00etatik 20:00etara; eta abenduaren 31n 10:00etatik 13:00ak arte. Txikien kasuan doakoa da izena ematea. benjaminek eta alebinek ibilaldi kontrolatua izango dute, infantilek, berriz, libre irteeratik. Txikien lasterketan izena emateko klik egin hemen.
