2023ko Ikuskan, 'Aunque es de noche' irabazle nagusi
Larunbatean egin zuten 25 urte bete dituen film laburren jaialdiaren sarien banaketa. Lanik onena, 'Aunque es de noche'
Larunbatean izan zen 2023ko Ikuska Pasaiako Film Laburren Nazioarteko Erakusketaren sari emate ekitaldia. Mende laurdena bete du aurten kultur proposamenak, eta antolatzaileek adierazi dutenez aurtengoa gogoratzeko edizioa izan da, lanen kalitateagatik, nahiz publikoaren erantzunagatik. Osotara 4.000 izan ziren Trintxer Kulturaleko antolatzaileek jaso zituzten lanak, eta horietatik galbahe zorrotza egin, eta lau dozenako sorta hautatu zuen sail ofizialerako. Horietatik onenak larunbatean izendatu zituzten.
Marina Perosanz (txapelarekin), euskarazko film labur onenaren Mintzagun saria jasotzeko unean.
Luisma Laboa sanjuandarrak gidatu zuen itxiera ekitaldia. Han erabakitakoak, honakoak. Hau da palmaresa:
- Euskarazko film labur onenari Mintzagun saria. Marina Perosanzen Muskil lanarentzat.
- Gizonezko aktore onenari saria. Joan Carrerasentzat, Mussol film laburrean (Juanjo Gimenez zuzendariarena) egindako lanagatik.
- Emakumezko aktore onenaren saria. Caterina Hurtadorentzat, Muerte en Torrevieja (Adriana Arratia zuzendariarena) egindako lanagatik.
- Epaimahaiaren sari berezia. Artesanía lanarentzat, David Perez zuzendariarena.
- Zuzendari onenaren saria. Juanjo Jimenezek jaso zuen, Mussol lanagatik.
- Epaimahai gaztearen saria. Artesanía iritzi dute izan dela lanik onena, David Perezena.
- Film labur onenaren saria. Aunque es de noche, Guillemo Garcia zuzendariarena.
- Publikoaren saria. El cacharrico, Oscar Toribiorena.
