Neska errugbilari gazteen topaketa igandean, Beraunen
Gipuzkoako Errugbi Federazioak, Oarsoaldeko Rugbyzaleak eta Txingudiko Rugby klubak antolatu dute elkarlanean topaketa hori.
Gipuzkoa eta Nafarroako selekzio gazteen arteko partida. Argazkia: Paulo Couto Neska errugbilari gazteen topaketa egingo dute Beraunen igandean 10:00etatik aurrera. Mikel Odriozola estadioan izango da hori. Gipuzkoako Errugbi federazioa, Oarsoaldeko Rugbyzaleak eta Txingudiko Rugby klubak antolatu dute elkarlanean topaketa.
Helburua da neska gazteen artean errugbia sustatzea eta dagoeneko aritzen direnei teknifikazio saioen bidez laguntzea. Entrenamendua ikusi nahi duen orok izango du sartzeko aukera. Horrekin batera, futbol zazpiko zelaian errugbi joko ezberdinak eskainiko dituzte kirol hori ezagutu nahi duten haur zein gaztetxoei begira.
