Abenduaren 26tik 29ra bitarte Zirku Eskola Lekuona fabrikan
Era guztietako tailerrak antolatu dituzte, baita familia giroan egitekoak ere. Akrobaziak, malabarak eta globoflexia, besteak beste.
Bigarren urtez jarraian, Berdinki Zirku Garaikidea konpainiaren eskutik, Lekuona fabrika Zirku Eskola bilakatu da, abenduaren 26tik 29ra bitarte. Era guztietako tailerrak antolatu dituzte: lurreko zein aireko akrobaziak, oreka eta zirkuitua, malabarak eta globofexlia, besteak beste.
Pasa den urteko arrakasta kontutan izanda, ez dute egitaraua aldatu nahi izan. Abenduaren 26an, 27an eta 28an, hiru txanda daude goizetik arratsaldera adin guztietarako tailerrekin:
- Haurrak, 5-7 urte bitarte: 10:00etatik 11:30era
- Haurrak, 8-11 urte bitarte: 11:45etik 13:15era
- Nerabeak eta helduak, 12 urtetik aurrera: 17:00etatik 19:00etara
Hala ere, nerabeei eta helduei zuzendutako tailer bat batu dute egitaraura Zirkua Familian. Adin tarte ezberdinen elkarketak, elkarren artean disfrutatzeko aukera izango dutela adierazi dute. Familiako tailer honetan parte hartzeko, nahitaezkoa izango da gutxienez haur eta heldu bat egotea. Gainontzeko tailerrak amaitzen direnean egingo dute hau. Abenduaren 29an, bi txandatan: 10:00etatik 11:30era eta 11:45etik 13:15era.
Abenduaren 11tik aurrera zabalduko da izen ematea, Lekuona Fabrikan eta webgunean. Doakoa izango da.
