Puntu polit batekin itxi dute denboraldiaren lehen erdia
Burgosen bisita jaso du Oiartzunek, eta bigarren sailkatuak beraien jokoa egitea zaildu arren, puntu ona eskuratu dute urdinek.
Inork ez zuen esan erraza izango zenik. Oiartzunek Burgosen bisita jaso zuen igande eguerdian. Gaztelarrak bigarren dira sailkapenean, eta arerio zaila izateaz gain, oiartzuarren jokoa zailtzeko botoia zapaldu zuten.
Partida oso fisiko eta parekatua izan zen Karla Lekuonakoa, defentsan jokatu zena momentu gehienetan. Etxekoek ezin izan zuten beraien talde-jokoa erakutsi, bisitariek baliogabetuta.
Ez zen golik izan soropilean, eta partida nola joan zen ikusita, ontzat eman daiteke puntua. Ligako lehen erdiko azkeneko partida izan zen atzokoa, eta oiartzuarrek hirugarren postuan bukatuko dute.
Duda-mudazko hasieraren ondoren, oiartzuarrek lortu dute bidea urratzea, eta sailkapenean gora egitea. Orain atsedena hartuko dute, urtarrileko lehenengo asteburura arte.
Bi partida gehiago
Gainontzeko partidei dagokienez, beste bi bakarrik jokatu zituzten. Emakumeen bigarren taldeak denboraldiko lehenengo puntua eskuratu zuten, etxean, Lakuaren kontra. Bana egin zuten oiartzuarrek eta gasteiztarrek.
Mutilen jubeniletako talde nagusiak, bere aldetik, aurreko astean hasitako bideari jarraitutasuna eman zioten. Aurrekoan lortu zuten denboraldiko lehen garaipena, eta bigarrena eskuratu zuten Ugaldetxon, larunbatean, Deusturen kontra.
Emakumeen 3. RFEF Maila
- Oiartzun — Burgos: 0-0.
Emakumeen Euskal Liga
- Oiartzun — Lakua: 1-1.
Mutilen Gazte Mailako Euskal Liga
- Oiartzun —Deustu: 2-1.
