Fanderiako igerilekuko estalkiko lanak, martxa onean
Lanen bidez igerilekuetarako sarbidea hobetu nahi dute udan, baina baita bermatu, neguan instalazioak erosoagoak izango direla.
Epeen barruan egiten ari dira Fanderiako igerilekuko estalkiaren lanak udalak jakinarazi duenez. Une honetan egitura berria muntatuta dago,; ezinbesteko urratsa da hori teilatu berria eraiki ahal izateko. Hogei asteko iraupena izango dute lanek, irailean hasi zituzten, eta dena ondo bidean, 224ko otsailean bukatuta izango direla aurreikusi du udalak.
Lanen bidez igerilekuetarako sarbidea hobetu nahi dute udan, baina baita bermatu, neguan instalazioak erosoagoak izango direla. Denera, 588.680 euro bideratu ditu udalak lan horietara, “inbertsio garrantzitsua udalerriko kirol instalazioak hobetzen jarraitzeko”.
Lanen eragina gutxitzeko hainbat neurri hartu dituela gogorarazi du udalak, bestalde. Hala, igeriketa ikastaroak Galtzarabordako kiroldegira leku aldatzeko; igerilekua berriro zabaldu arte plazak gordetzeko, edo ikastaroetako dirua itzultzeko aukerak eskaini zituen. Abonuan eszedentzia eskatzeko aukera ere zabaldu zuen udalak, hilabeteko abonamendua duten pertsonak ordainketa bertan behera uzteko aukera zabalduz, Fanderiako igerilekua berriro ireki arte.
