Udal Txistulari Taldeak urteko azken emanaldiak eskainiko ditu
Etzi, igandea, euskal mitologiako kondairak musikatuko ditu, eta hilaren 24 eta 31n dianak egingo dituzte.
Udal Txistulari taldea. Argazkia: Errenteria Musikal Urteari amaiera emateko, Udal Txistulari Taldeak hiru emanaldi antolatu ditu. Lehena etzi, igandean, 12:30ean izango da. Herri Arte eskolako Hitza eta Antzerkiko ikasleekin batera, eskolako bigarren solairuko entsegu gelan euskal mitologiaren kondairak musikatuko dituzte.
Astebete beranduago, hilaren 24an, diana egingo du txistulari taldeak Alaberga auzoan. 09:00etan hasita, udaletxetik abiatu, eta Gaztainoko kaleetan barrena arituko dira. Ohi bezala, amaieran udaletxera itzuliko dira. Aitor Arozenak Olentzero doinua joko du, herrikoia moldatuan; Luis Urteagak Gabonetako alborada; eta Jose Ignazio Ansorenak gabon doinuak, herrikoia moldatuan ere.
Urteko azken egunean, ordea, Agustinetara mugituko dira txistulariak. Orduan 09:00etan hasita ere, Gaztelutxon hasiko dute diana, eta auzoa alaituko dute segidan. Orduan Luis Urteaga eta Jose Ignacio Ansorena arituko dira.
