Albaolak ipuin kontaketak antolatu ditu Eguberrietarako
2-7 urte bitarteko haurrei begirako euskarazko ipuin kontaketak dira. Saioak hilaren 26an, 27an, 28an eta 29an, eta urtarrilaren 2an, 3an, 4an eta 5ean izango dira, 10:30ean.
Argazkia: Albaola Itsas Kultur Faktoria. Albaola Itsas Kultur Faktoriak 2-7 urte bitarteko haurrei begirako euskarazko ipuin kontaketak antolatu ditu Eguberrietarako. Saio horiek Albaolaren egoitzan izango dira, hilaren 26an, 27an, 28an eta 29an, eta urtarrilaren 2an, 3an, 4an eta 5ean. Kontakizun guztiak 10:30ean hasiko dira, eta 3 euroko prezioa dute.
Izen-emateak 943 39 24 26 telefonora deituta edo posta elektroniko bidez egin behar dira.
