Gabonetan, bi tailer eta zazpi ipuin kontaketa Lekuona Fabrikan
Lekuona Fabrika liburutegiak literatur proposamenak ditu gazteentzat, abenduaren 22tik urtarrilaren 5era bitarte. Izen ematea zabalik dago jada.
Gabonetan, arkatzak eskuetan, eta ipuinak ahoetan! Lelo honekin aurkeztu ditu Lekuona Fabrika liburutegiak literatur proposamen ugari Gabon hauetarako, abenduaren 22tik urtarrilaren 5era bitarte. Ipuin kontaketak, ilustrazioak eta komiki tailerrak besteak beste, guztira bi tailer eta zazpi ipuin kontaketa egingo dira.
Proposatzen dituzten tailer eta ipuin kontaketa guztiak adin-tarte ezberdinetako haur, gazte eta nerabeentzat bideratutakoak dira. Eta, den-denak euskaraz izango dira. Bakarren bat gaztelaniaz eta ingelesez ere emango da.
Interesa dutenek Lekuona Fabrikako harreran presentzialki izen eman dezakete, edota 943 44 96 35 telefonora deituta, 647 67 34 51 zenbakira idatzita edo biblioteka.lekuona@errenteria.eus helbidera idatzita.
TAILERRAK
- Ilustrazio tailerra: Ainara Azpiazu (Axpi) ilustratzailearen eskutik
- Komiki tailerra: Maite Gurrutxaga ilustratzailearen eskutik
IPUIN KONTAKETAK
- Azken hostoa: ipuin saio musikatua familian, Maider Alcelay eta Igor Salaren eskutik
- Liburu Baby Kluba: jarduera ludiko eta didaktikoa, Mestiza elkartearen eskutik
- Liburu bat, mundu bat: modu ludiko eta dibertigarri batean irakurketara hurbiltzeko ipuin eta eskulanak, Mestiza elkartearen eskutik
- Helduen ipuin kontaketa: Beatriz Egizabal kontalari eta aktorearen eskutik
- Liburu Baby Kluba: jarduera ludiko eta didaktikoa, Mestiza elkartearen eskutik
- Liburu bat, mundu bat: modu ludiko eta dibertigarri batean irakurketara hurbiltzeko ipuin eta mahai-jokoak, Mestiza elkartearen eskutik
- Konta ditzagun ipuinak: Ixabel Agirresarobe kontalariaren eskutik
Informazio gehiago hemen.
