Errenteria Familia Lagunak bigarren topaketa egin du
Sukaldean ibiltzeko geratu dira oraingo honetan 'Arditurri' auzko elkartean. Hainbat jatorrietako errezetak ezagutu eta dastatu dituzte.
Errenteria Familia Laguna programak jatorri ezberdinetako pertsonak elkartzen ditu. Herenegun, hilaren 19an, bigarren topaketa egin zuten. Alabergako ‘Arditurri’ auzo elkartean batu ziren, eta hainbat jatorrietako errezetak prestatu, ezagutu eta dastatzeko aukera izan zuten. Hala nola: Euskal Herriko askotariko tortillak, Peruko Aji de Gallina eta Hondurasko Tarta tres leches. Auzo elkarteko kide den Jabik elkartearen funtzionamendua eta eskaintza ezagutzeko aukera izan zuen. Bertaratutakoentzat, giro aparta suertatu zen asteartean. Era honetako topaketei esker, jatorri anitzeko familien arteko konplizitateak eta saretzea lantzen dute.
