Errenteria-Oreretak badu Gabon espiritua
Gabon giroa nabaria da Errenteria-Oreretako kaleetan. Eguberrietan, argiztapen berezia, musika eta karriloia jarriko dute, besteak beste.
Gabonen bueltan, urtero-urtero girotzen, apaintzen eta argitzen ditu kaleak Errenteriako Udalak. Duela hiru astetik, abenduaren 5etik, argiztapenak ezarri dituzte, baina aurtengoan, bereziak dira. Energia efizientea kontuan hartu dute Beraungo, Iztietako eta Erdiguneko kaleetako aegiterian.
Gainera, bihartik hasita, urtarrilaren 4ra arte musikak herriko txokoak alaituko ditu kaletik ezarriko dituzten bozgorailuekin. Eguberrietako karriloia ere bihartik urtarrilaren 4a arte egongo da udaletxean, 12:00etatik 20:00etata, orduro-orduro, Olentzero eta Mari Domingi aterako dira.
Herriko ikastetxeek ere apaindu eta atondo dituzte Errenteria-Oreretako txokoak: Cristobal Gamonek, Kaputxinoetako tunela; Koldo Mitxelenak, Galizia errotonda eta Gaztelutxoko biribilgunea; Bizarain ikastolak, Beraun errotonda eta Extremadura errotonda; Tellerik, Biteriko sarrera; Egiluzek, Errioxa biribilgunea; eta Orereta ikastolak, Foru plaza eta Matxaingo biribilgunea.
