Trafiko-mozketak Gabonetan
Eguberri bezperan, urte zahar egunean eta errege egunaren bezperan trafiko-mozketak egongo dira. Aparkatzeko baimenak eman dituzte Udaletik.
Trafiko mozketak izango dira. Argazkia: Herri Bizia Gabonetan zenbait ekitaldi antolatzen dira Errenteria-Oreretan. Era honetan, hiria oinezkoentzat egokitzen da maiz, horregatik hainbat trafiko aldaketa eta mozketa egingo dituzte.
Abenduaren 24ean, eguberrien bezperan, erdialde osoa moztuta egongo da, 17:30etik 22:00etara. Urte zaharrean berriz, abenduaren 31n, San Silvertre lasterketa dela eta, trafikoa 16:00etatik 22:00etara moztuta egongo da. Mozketa Maria de Lezon egingo da, Andori Kortarekin, eta trafikoa Urbasa kaletik Lope de Isastira desbideratuko da. Hala ere, Maxaingo biribilgunearen arteko tartean, Nafarroa hiribidea lasterketa amaitzen denean zabalduko dute, 18:00rak aldera. Azkenik, Errege kabalgatan, urtarrilaren 5ean, erdigunearen trafikoa 17:30etik 19:30era moztuko dute.
Aparkatzeko baimenak ere eman dituzte Udaletik Gabonetako egun seinalatuetarako. Iztieta pasealekuan eta Lousada kaleko Arramendiko aparkalekuan eman dituzte aparkatzeko baimenak. Abenduaren 24ko 12:00etatik abenduaren 25eko 22:00ak arte. Abenduaren 31ko 12:00etatik urtarrilaren 1eko 22:00ak arte. Eta, urtarrilaren 6ko 07:00etatik 22:00etara.
