Gabonetako Loteriaren sari nagusiak zoriontsu egin du errenteriarren bat
Kapitan Enea kaleko loteria administrazioan saldu dute zozketa jarraituenaren sari nagusiaren dezimo bat. 320.000 euro jasoko ditu.
65700 loteria administrazioan saldu dute 88008 sariko dezimo bat. Abenduaren 22koa egun berezia izaten da ausazko jokoak maite dituztenentzako. Espainiako Gabonetako Loteriaren zozketa egiten dute goizean, eta suspense ederra izan ondoren, 13:16ean abestu dituzte sari nagusiaren zifrak.
Errenteria-Oreretako Kapitan Eneko loteria administrazio txikian sari handia lortu du baten batek: bertan saldu da sari nagusiaren dezimo bat.
Administrazioko arduradunek jakinarazi dutenez, makinatik atera da zenbaki hori. Gaineratu dutenez, ez dakite norbaitek propio eskatu duen ala ausaz atera den.
Irabazleak, garbian, 320.000 euro jasoko ditu. Gabonetako opariak erosteko aitzakiarik ez du edukiko, beraz.
