Hiru ikertu eta hamalau salaketa urtezahar gaueko sutearekin lotuta
Ikerketa martxan da oraindik ere sutearen nondik norakoak zehazteko. Hiru pertsona ikerketapean daude gertakariarekin lotuta.
Sutea izan zen eraikina. Ikerketa zabalik da oraindik urtezahar gauen Kaputxinoetako Sorgintxulo kaleko 4. atarian piztu zen sutearen nondik norakoak zehazteko. Josu Erkorekak, Eusko Jaurlaritzaren Segurtasun sailburuak, ordea, hainbat datu eman ditu gaur goizean Euskadi Irratiko Faktoria saioan egin dioten elkarrizketan auzi horrekin lotuta. Hiru lagun ikerketapean daude, eta hamalau bizilagunek aurkeztu dute salaketa. Salaketa kopuru hori aldatu daitekeela, eta lagun gehiagok aurkez dezaketela ere esan du Erkorekak datozen egunetan.
Ertzaintza suhiltzaileekin batera ari dela ikerketa egiten ere zehaztu du sailburuak.
Ikerketak momentuz bi kontu ondorioztatu du, beti ere, Erkorekak azaldu duenez: Sua barruko patio batean sortu zen eta ondoren tximinia efektuaren eraginarengatik goraka zabaldu zirela eraikinaren azken pisuraino; eta suziri batek eragin zuela sutea.
Sutearen ondorioz, kalte pertsonalik ez, baina kalte material ugari izan dituzte bizilagunek, batez ere etxebizitza batean. Joan den astean egin zuten bisita eraikinera, kaltetuena izan den etxebizitzara zehazki, Bernar Lemos alkateorde eta Udaltzaingoaren arduradunak, udal arkitektoak, eta gertakarien goizaldean Udaltzaingoaren buru operatibo zenak. Bisita hori kaltetutako etxebizitzaren jabeekin egin zuten udal ordezkariek.
Arkitektoak egiaztatu zuenez, suteak ez zuen kaltetu etxebizitzaren egitura; suak eta keak, ordea, kalte material ugari eragin zituzten etxebizitza horretan.
