Euskal Herriko Sokatira Txapelketako kanporaketa, Oiartzunen
Emakumeen 500 kiloko kategoriako zazpi talde arituko dira larunbatean Elorsoron, eta gizonen 600 kiloko mailako beste hamar.
Lesakako Beti Gazte taldeak antolatu du kanporaketa. Euskal Herriko Sokatira Txapelketako kanporaketetako bat Oiartzunen jokatuko dute, datorren larunbatean, hilak 13. Kiroldegian izango da, 17:00etan hasita.
Beti Gazte taldeak antolatu du kanporaketa hori. Lesakako taldea izan arren, oiartzuarrek ere tiratzen dute bertan, eta Elorsoro ez zaie arrotza egingo. Oiartzunen sokatirarekiko dagoen zaletasunarengatik antolatu dute kanporaketa, eta jendea animatu dute bertara.
Emakumeen 500 kiloko kategoriako kanporaketak jokatuko dituzte, baita gizonen 600ekoak ere. Maila femeninoan zazpi talde arituko dira, eta maskulinoan, hamar.
Euskal Herriko Txapelketa irabazten duenak Suediara joateko txartela lortuko du. Izan ere, bertan jokatuko dute Munduko Sokatira Txapelketa. Euskal Herria ordezkatuko du bertako txapela irabazten duenak.
Taldeak
Emakumeak. 8×8 500 kilo
- Abadiño.
- Amaiur.
- Badaiotz.
- Berriozar.
- Beti Gazte.
- Ibarra.
- Txantrea.
Gizonak. 8×8 600 kilo
- Abadiño A.
- Amaiur.
- Berriozar.
- Beti Gazte.
- Ibarra.
- Ñapurrak.
- Txantrea.
- Zuraide A.
- Zuraide B.
- Murueta.
