Punta-puntako kultur programazioa urtea hasteko
Urtarrila eta martxoa artean arte eszenikoen programazio zabala eskainiko du udalak Niessen Kulturgunean eta Lekuona Fabrikan.
Urtarrila eta martxoa bitarteko arte eszenikoen programazioa aurkeztu dute. Argazkia: Herri Bizia Arte eszenikoen urtarrila eta martxoa arteko programazioa aurkeztu du gaur errenteriako Udalak. Kalitate handiko lanak, eta punta puntako dantzari eta antzezleekin gozatzeko aukera izango dela jarri dute nabarmen Maite Gartzia Kultura zinegotziak, eta Jose Antonio Ruiz de Azua Kultura teknikariak. ez dira bakarrik aritu gaurko aurkezpen horretan, izan ere, Golden Apple Quartet taldeko kide Kike Ochoa ere izan da agerraldian.
Igandean izango da hileko lehen ikuskizuna, Niessen kulturgunean. Titzina konpainiak Buho antzezlana eskainiko du 19:00etan. Antzerkiarekin hurrengo zita, Marie de Jongh konpainiaren Mr Bo antzezlana izango da hilaren 26an. Niessen Kulturgunean izango da hori ere, 18:00etan, haurrei zuzendua.
Dantzak ere izango du protagonismoa urteko lehen hirulekoaren arte eszenikoen programazioaren barruan. Besteak beste, Ereintza Dantza taldeak eta herri Arte Eskolak dantza eta musika emanaldia eramango dute Niessenera hilaren 27an, 19:00etan. Euskal herriko dantza, musika eta jantzi tradizionalak utzartuta, elkarlanean sortutako hirugarren ikuskiuzna dute hori.
Hilaren 28an, berriz, Golden Apple Quartet taldearen agur bira helduko da Niessen Kulturgunera Vamos que nos Vamos ikuskizuna. Ochoa “pozik” azaldu da errenteriarra izanik, ikuskizuna herrian eskaintzeko aukera izango duelako, eta ziurtatu du, gerturatzen direnek “izugarri ondo” pasako dutela.
Hileko azken egunerako, dantza emanaldia antolatu dute. DAB konpainiak Zu dantzan! Noed prozesuaren aurkezpena egingo du 19:00etan Niessen Kulturgunean.
Magiak ere badu tartea. Hodei magoak Sentsazioak 2.0 ikuskizuna egingo du otsailaren 23an 18:00etan Niessen kulturgunean. Eta hiruhilekoa borobiltzeko, bi antzerki emanaldi antolatu dituzte martxorako. Victoria viene a cenar izango da lehena Pisando Escenario konpainiaren eskutik. Clara Campoamor eta Vitoria Kenten omenezko lana martxoaren 9an izango da, 20:00etan Niessen Kulturgunean. Bigarrena, Thomas Noon Dancen eskutik helduko da: La gata que queria cambiar la historia. Martxoaren 22an izango da 18::00etan Lekuona Fabrikan, familiei begira.
Gaur zabaldu dute sarrerak erosteko aukera. online eros daitezke (egin klik hemen) baita Lekuona Fabrikan ere. Ikuskizunaren egunean leihatilan bertan ere erosi ahalko dira agortu ez badira. Helduentzako ikuskizunek 9 euro balio dute, eta familiei zuzendutakoen sarrerak, berriz, 3,5 euroan daude salgai. Hilabete honetako dantza ikuskizunak doakoak izango dira.
