Azeri bila hasi da Ereintza
Inauteriak otsailaren 8tik 13ra izango dira; Ereintzak Azeri dantzan parte hartzera deitu ditu herritarrak.
Otsailaren 8tik 13ra bitartean izango dira inauteriak, eta Ereintza Dantza elkartea lanean ari da dagoeneko horiek prestatzeko txukun. Zehazki, Azeri Dantza, mozorro festari hasiera ematen dion ekintzarekin ari da buru belarri eta parte hartzeko prest diren herritarren bila ari da.
Otsailaren 8an egingo dute Azeri Dantza, arratsaldez Herriko Plazan, eta parte hartzera deitu ditu herritarrak herriko dantza taldeak eta ekintzaren antolatzaile denak. Parte hartzeko, ezinbestekoa da aldez aurretik izena eman eta entseguetan parte hartzea. Izena emateko galdetegia bete behar dute interesdunek. Horretarako egin klik hemen.
Entseguak, berriz, hilaren 24 eta 31n eta otsailaren 7an egingo ditu Ereintza Dantza Taldeak, Merkatuzarren 19:30ean. Izena emateko azken eguna urtarrilaren 24a izango da.
