Korrikari lotutakoak antolatzen hasi dira pasaitarrak
Antxoko batzordea joan den astean bildu zen eta datozen egunetan Trintxerpe, San Pedro eta Donibaneko bizilagunak bilduko dira.
22. Korrika, Pasaiatik. Martxoaren 23ko gauean helduko da 23. Korrika Pasaiara. Buenavisatik helduko da euskararen festa eta aldarrikapen erraldoia, antxotarrek hartuko dute lekukoa lehenik. 22:50ak inguruan sartuko da Antxora. Trintxerpe eta San Pedrorako bidea hartuko du gero, eta portura iristean ontziz pasako da lekukoa Donibanera. 23:33ak inguruan herritik atera eta Lezora sartuko da.
Festa handiarekin lotutako ekintza eta ekitaldiak antolatzen hasi dira jada pasaitarrak. Antxotarrek lehen batzarra egin zuten joan den astean. Astelehenean (hilak 22) sanpedrotarren txanda helduko da, 18:30ean egingo dute Korrika batzordea (lekua zehazteke dute oraindik). Trintxerpetarrak ostegunean (hilak 25) bilduko dira, 20:00etan, Terranova kaleko 3. lokalean. Azkenik, Donibaneko bizilagunek ostiralean egingo dute batzarra, 18:00etan, Kulturgunean.
