Abeltzainek eta udalak urteroko bilera egingo dute hilaren 27an
Datorren larunbatean elkartuko dira udala, abeltzainak eta aldundiko Etorlur. Urte berrirako beharrak jaso nahi dituzte, abeltzainen eskutik.
Urtero bezala, Oiartzungo abeltzainak bilerara deitu dituzte, sektoreak dituen beharrak identifikatzeko asmoz. Urtero hainbat bilera egiten dituzte Goilarrek, Oiartzungo Abeltzainen ordezkariek, Udalak eta Gipuzkoako Foru Aldundiko Etorlur-eko teknikariek osatzen duten mahaiak.
Urtero herriko abeltzain guztiekin batzar ireki bat egiten dute. Aurtengoa datorren larunbatean —hilak 27— izango da.
Iaz herriko mendietan egindako lanen berri eman eta urte berrirako beharrak jaso nahi dituzte. 12:00etan bilduko dira, udaletxeko areto nagusian, eta herriko abeltzain denak gonbidatu dituzte parte hartzera.
