Kontxa Murgia gogoan edukiko dute asteburuko kultura arteko ekitaldiek
Fato Cultural Daniel Castelaok eta udakalk hainbat ekitaldi antolatu dituzte astebururako, euskal-galiziar kutsukoak.
Iaz egindako ekitaldiko irudia. Euskal Herria eta Galizia beste urte batez lotuko dituen ekitaldiekin etorriko da datorren asteburua. Fato Cultural Daniel Castelaok eta Oiartzungo Udalak, elkarlanean, ekitaldi pare bat antolatu dituzte, bi herrialdeen arteko lotura egiteko.
Horrez gain, Kontxa Murgia Egaña ere oroituko dute, Daniel Castelao Galiziako abertzaletasunaren bultzatzaile izan zenaren ama.
Datorren ostiralean, hilak 26, poesia errezitaldi musikatua egingo dute. Udaletxeko areto nagusian izango da ekitaldi literario-musikala, 18:00etan hasita.
Antton Kazabonek eta Xose Estevezek, euskaraz eta galegoz, Joseba Sarrionaindia, Celso Emilio Ferreiro, Xose Estevez, Xabier Lete, Julen Lekuona, Juan Mari Lekuona eta Antton Kazabon poemak errezitatuko dituzte, musikarien laguntzaz.
Omenaldia, larunbatean
Oiartzungo zimitiyuan Rosalia de Castrok landatutako pikondoaren adaxka bat jarri zuten. Urte osoan zehar zaindu den zuhaitza bisitatuko dute datorren larunbat eguerdian. 12:00etan izango da ekitaldiaren hasiera.
Handik pixka bat mugituko dira, Manuel Lekuona bibliotekara. Kontxa Murgia Egañari omenaldia egingo diote bertan, han jaio baitzen. Txistu eta gaita-soinuek girotuko dute ekitaldia.
