Errenteriako lehenengo Indoor Duatloia, otsailaren 3an
Lasterketa eta bizikleta estatikoa txandakatu beharko dituzte parte hartzaileek, 3,2 kilometroko lasterketa eginda, 8 kilometro egin beharko dituzte bizikleta estatikoan, eta bukatzeko, 1,6 kilometroko lasterketa.
Errenteriako Estalpeko Duatloiaren lehenengo ekitaldia egingo dute otsailaren 3an Fanderiako kiroldegian, OarsoTri Triatloi Klubaren ekimenez. Lasterketa eta bizikleta estatikoa txandakatu beharko dituzte parte hartzaileek, 3,2 kilometroko lasterketa eginda, 8 kilometro egin beharko dituzte bizikleta estatikoan, eta bukatzeko, 1,6 kilometroko lasterketa. Parte hartzaile bakoitzaren denbora osoa kalkulatzeko, proben arteko trantsizio denborak ere batu egingo dira.
Gizon, emakume eta bikoteko modalitatean jokatuko da, eta parte hartzeko gutxieneko adina banakako probetarako 18 urtekoa izango da. Bikoteka aritzeko, berriz, gutxieneko adina 14 urtekoa izango da, beti ere beste bikotekidea adinez nagusia bada. 09:00etan ongietorria egingo dute eta 09:30ean ekingo diote Gizonen kategoriakoek probari. Ordubete geroago, Emakume Kategorian lehiatuko direnek hartuko dute lekukoa, eta azkenik, 11:30ean bikoteen txanda helduko da.
OarsoTri Triatloi Klubaren hamargarren urteurrena ospatzeko antolatu du klub horrek Indoor Duatloia, Errenteriako Udalaren laguntzarekin.
Izena emateak 5 euro balio ditu Errenteriako kirol instalazioetan abonatutako pertsonentzat, eta Oarsotri klubeko kirolarientzat, Gainerakoek, 8 euro ordaindu beharko dute parte hartzea. Bikoteen kasuan, bakoitzak 3 (bazkide eta Oarsotriko kideek) edo 4 euro (gainontzekoek) ordaindu beharko dute. Izena emateko Fanderiako udal igerilekuetako harrerara jo behar dute interesdunek edo 943 34 44 23 telefono zenbakira deitu, edo Galtzarabordako kiroldegiko harrera jo edota 943 44 96 90 telefono zenbakira deitu.
