Ostegunean, urteko lehen udalbatzarra Lezon
Zazpi puntu landuko dituzte herriko hamahiru zinegotziek 19:00etan hasiko den plenoan. EH Bilduren mozio bat dago, tren zerbitzuari buruzkoa.
Ostegunerako deitu du Mikel Arruti alkateak 2024ko lehen udalbatzarra. 19:00etn hasiko da, udaletxeko areto nagusian. Osotara zazpi puntukoa izango da. Honakoak dira hamahiru zinegotziek landuko dituzten aztergaiak:
- 2023ko azaroaren 29ko ohiko udalbatzarraren akta onartzea.
- 2024ko ekitaldirako Oarsoaldeko taxi tarifak onartzeko irizpena.
- Etxez etxeko laguntza zerbitzua finantzatzeko hitzarmenaren luzapena.
- Udal kontu hartzailearen txostenen berri ematea.
- EH Bilduren mozioa. Gaia: Irun eta Brinkola arteko Adifen trenbidea eta Renferen aldiriko zein distantzia erdiko zerbitzuak hobetzea.
- Alkatearen, organo kolegiatuetako udal ordezkarien eta delegatuen txostenak.
- Galde eskeak.