Oarsoaldeak Ingurumen Kudeaketako ikastaro bat abiatuko du langabeentzat
Ikasketa horiek otsailean hasiko dira, Oiartzunen. 420 orduko ikasketa teorikoa izango du goizetan, 09:00etatik 14:00etara, eta 80 orduko praktikaldia enpresan. Ikastaroa bukatuta, lanbide gaitasuna frogatzen duen ziurtagiria jasoko da.
Oarsoaldea Garapen Agentziak Ingurumen Kudeaketako ikastaro bat abiatuko du otsailean Oiartzunen. Langabezian dauden pertsonei begirako prestakuntza bat da, eta ikastaroa martxan jartzeko helburuak dira kualifikazio profesionala hobetzea eta enplegua sustatzea. Ikastaroak 420 orduko ikasketa teorikoa izango du goizetan, 09:00etatik 14:00etara, eta 80 orduko praktikaldia enpresan. Lanbidek %100ean finantzatu du ikastaroa, eta berau bukatzean, lanbide gaitasuna frogatzen dien Lanbide Ziurtagiria jasoko dute parte hartzaileek.
Ikastaro horretan Ingurumen Kudeaketaren oinarrizko kontzeptuak ulertzen eta baliabideak arduraz eta modu iraunkorrean nola erabil daitezkeen sakon ulertzen lagun dezakeela adierazi dute antolatzaileek. Ikasitako horrek enpresek eta gobernuek dituzten ingurumen arazoei aurre egiteko trebetasun egokiak garatzen lagunduko diela gaineratu dute sustatzaileek.
Horrez gain, merkataritza jardueren ingurumen inpaktua ebaluatzeko trebetasunak garatzen eta ingurumen kudeaketak etorkizunerako ingurumena babesteko nola lagun dezaketen ikasiko dute parte hartzaileek.
Informazio gehiagorako, Oarsoaldeak Enplegu Bulegoa jarri du interesdun guztien eskura. Haiekin harremanetan jartzeko, 943 51 02 00 telefonoa eta helbide elektronikoa ahalbidetu dituzte.
