Mikel Arruti alkatea: "Aldundiarekin harremanetan jarriko gara trafiko istripuak aztertu, eta soluzioak bilatzeko"
Bi hilabetean lau pertsona hil egin dira, trafiko istripuz, Lezoko errepideetan. Alkateak aldundiarekin biltzeko asmoa azaldu du.
Gi-636 errepideko artxiboko irudia. Gi-636 errepidean, Lezoko Gaintxurizketan, gaur goizean bi autok aurrez aurre talka egin eta horren ondorioz autoetako baten gidaria hil egin da. Istripuan inplikatutako beste ibilgailuko gidaria ere zauritu da, eta suhiltzaileek atera behar izan dute autotik. Ondoren Donostia ospitalera eraman dute. Mikel Arruti Lezoko alkateak doluminak helarazi dizkie hildakoaren senide eta lagunei, eta adierazi du Gipuzkoako Foru Aldundiarekin batzartzeko asmoa duela. “Aldundiarekin harremanetan jartzeko asmoa dugu herriko errepideetan izaten ari diren istripuak aztertu eman daitezkeen soluzioak bilatzeko”.
Azken asteetan hiru hildako izan dira Gi-636 errepidearen Lezoko zatian. 2023ko abenduaren 3ko goizaldean bi gazte hil eta beste bi larri zauritu ziren auto batak bestea jo zuenean. Abenduaren 18an, berriz, kamioi batek eta auto batek aurrez aurre jo zuten, eta autoaren gidaria hil egin zen.
Egoeraren larritasuna ikusita, beharrezko ikusi du alkateak horiek aztertu eta soluzioak bilatzeko. Horregatik bildu nahi du aldundiarekin. Izan ere, Gi-636 errepidea aldundiaren eskumenekoa da.
