10.000 sinadura osasun publiko kalitatezkoaren alde
Batzarrera deitu dute auzo elkarteek, Oreretako Mugimendu Feministak, Bilgune Feministak eta Duintasunak; astelehenean izango da 19:00etan Reina aretoan.
Alegazioak biltzen ari dira Iztietako anbulatorioaren egoera salatzeko.
Iztietako anbulatorioaren egoera salatzeko eta konponbide bat emateko eskatzeko lanean ari diren auzo elkarteek, Oreretako Mugimendu Feministak, Bilgune Feministak eta Duintasuna elkarteak bilera egingo dute astelehenean, hilak 29.
Anbulatorioan ezarritako murrizketak salatzeko sinadura bilketa jarri zuten martxan hilabete hasieran, eta hilaren 30ean bukatuko dute kanpaina hori. Egun horretan bertan gaiaren gaineko mozioa aztertuko du udalak eragile horiek aurkeztuta.
Reina aretoan izango da eragileen batzarra, 19:00etan hasita. Hilabetean zehar egindako protesten balorazioa egitearekin batera, jasotako sinadura kopuruaren —dagoeneko 10.000 bildu dituzte—, Iztietako anbulatorioaren egungo egoeraren, eta egingo dituzten mobilizazioen berri emango diete bilkurara joango direnei.
