'Apaiz kartzela' dokumentala, Gaztañon
Ritxi Lizartza filmaren zuzendaria eta Xabier Amuriza espetxe horretan izan zen errepresaliatua eta bertsolaria ariko dira solasaldian.
Apaiz kartzela dokumentala emango dute ostiralean. Apaiz kartzela dokumentala emango dute Gaztañoko auzo lokalean otsailaren 2an, ostiralarekin.
Dokumentala 1968etik 1976ra arte Zamorako apaizen kartzela izan zenaren gainekoa da eta bertan preso egon ziren lau apaiz presondegira itzuli dira ikus-entzunezkoa egiteko. Horietako batzuek hamar urtetik gorako zigorrak jaso zituzten frankismoaren errepresioa salatzen zuten sermoiak egiteagatik. Apaizentzako kartzela bakarra izan zen munduan Zamorako hori. 2021. urtean estreinatu zuten dokumentala Oier Aranzabal, David Pallares, eta Ritxi Lizartzak zuzendu dute.
Dokumentalaren zuzendarietako bat, Ritxi Lizartza izango da emanaldiaren osteko solasaldian, baita kartzela horretan preso izan zen Xabier Amuriza bertsolaria ere.
Emanaldia eta ondorengo solasaldia Gaztañoko auzo lokalean izango da, 19:00etan hasita.
