Datorren astean, Olibet-Ugarritzen eta Kaputxinoetan auzo batzarrak
Olibet-Ugarritzekoa hilaren 5erako deitu dute, eta Kaputxinoetakoa 7rako. Biak ala biak 18:00etan hasiko dira.
Maite Gartziak, Aizpea Otaegik eta Bernar Lemosek parte hartuko dute datorren asteko bi bileretan. Auzoetako batzarren egitarauari jarraituz, udalak Olibet-Ugarritze eta Kaputxinoak auzoetako bizilagunekin batzarrak egingo ditu datorren astean. “Bilera haien bidez auzotarren premioa eta kezkak jaotzen ditu udalak, baita agintaldi honetarako auzo horietan garatu asmo dituen proiektuak azaldu ere”, zehaztu du udal erakundeak. Beraz, auzo horietako biztanleei ager daitezela eskatu diete.
Olibet-Ugarritzekoa hilaren 5ean (astelehena) izango da, 18:00etam, Zuhaitza Auzo Elkartean. Udala Aizpea Otaegi alkateak, nahiz Bernar Lemos eta Maite Gartzia zinegotziek ordezkatuko dute.
Kaputxinoetakoa hilaren 7an (asteazkena) izango da, 18:00etan, hango auzo elkartearen egoitzan. Horretan ere Otaegik, Lemosek eta Gartziak emango dituzte udalaren izenean azalpenak.
