'Hain Gipuzkoa' aurkeztu dute Pasaian
Foru Aldundiko ordezkariak hurbildu dira Albaola Itsas Kultur Faktoriara, eta bertan aurkeztu dute turismo marka berria.
Argazkia: Albaola Itsas Kultur Faktoria. Gipuzkoako Foru Aldundiko Mugikortasuneko, Turismoko eta Lurralde Antolaketako Departamentuak agerraldia egin zuen atzo, Albaola Itsas Kultur Faktoriaren lantegian. Bertan egon ziren Azahara Domingez diputatua eta Denis Itxaso Estatuko Gobernuaren lurraldeko ordezkaria, eta “Hain Gipuzkoa” turismo marka aurkeztu zuten.
Agerraldian zehar, hiru alderdi estrategikotan jarri zuten arreta. Batetik, “Gipuzkoa” hitzak lurralde historikoak duen balio turistiko osoa adierazten ez duela eta, beraz, ezagutarazi behar dela adierazi zuten. Bestetik, Donostia hiriburua dela egungo “turismo erakargarritasunik handiena”. Bukatzeko, adierazi zuten Gipuzkoak “erakarpen turistikoko polo zabalak” dituela, eta eskaintza kultural, natural zein gastronomikoa “zabala dela”.
Domingezek zera adierazi zuen: “Gipuzkoa sustatu nahi dugu”, eta, horretarako, “kontatu behar dugu zerk egiten duen Gipuzkoa berezi, zerk erakartzen, maitemintzen eta motibatzen duen, zerk bereizten gaituen” gaineratu. Gainera, “Donostia” hitza gaineratu diote “Hain Gipuzkoa” markari. Izan ere, hiriburua da lurraldeko turismoaren foku nagusia, eta hiriburuak duen pisua lotu nahi dute gainontzeko eskualdeekin.
