Plaza literaturaz beteko da otsaila eta martxo artean
1545 argitaletxeak 'Literatura plazara' iniziatiba antolatu du. Bederatzi ekitaldi dira, literatura ardatz duten jarduera askotarikoekin.
Amorante eta Uxue Alberdik 'Meza nagusia' emango dute martxoko lehen igandean. 1545 argitaletxeak Literatura Plazara izeneko iniziatiba antolatu du. Egitarau oparoa antolatu dute, zortzi egunetan banatuko diren bederatzi ekitaldirekin.
Bernat Etxepareren izena darama argitaletxeak, eta haren idatzi batetik hartu dute inspirazioa: Literatura, jalgi hadi plazara. Literatura plazera erakutsi nahi dute, liburuetatik plazara eramanda.
Martxoaren 3rako Landetxen bi emanaldi programatu dituzte, eta sarrerak eskuratu egin behar dira, udalaren sarreren webgunean.
Egitaraua
- Hilak 19, astelehena: LH 3-4ko irakurle talde berezia, Karmele Mitxelenarekin. 17:30ean, Manuel Lekuona bibliotekako ganbaran.
- Hilak 21, asteazkena: Goiatz Labandibarrekin solasean: idazle ibilbidearen errepasoa eta Beatua liburuaren aurkezpena. Usoa Arbelaitz eta Iraitz Mateok gidatutako saioa. 19:00etan, Galdosenean.
- Hilak 24, larunbata: 4 eta 7 urte arteko haurrentzako ipuin-kontaketa, Basati-ren aurkezpena tartean. Amaia Egidazu ipuin-kontalariarekin. 11:00etan, udaletxeko pleno aretoan.
- Hilak 25, igandea: Haur Filosofia saioa, literaturaren eta artearen ekarpenaz, Pello Añorgarekin. 17:00etan, Abaraxkan.
- Hilak 26, astelehena: LH 2-3ko irakurle talde berezia, Uxue Alberdirekin. 17:30ean, Manuel Lekuona bibliotekan.
- Hilak 28, asteazkena: Xabier Lete, bertsoen neurrian: Jon Martinen liburuaren aurkezpen-emanaldia. 19:00etan, Arizmendienean.
- Martxoak 2, larunbata: Literaturan jolasa gauza serioa da: idazketa tailerra, 12-18 urte arteko gazteentzako, Oier Guillanen eskutik. 10:30etik 13:00etara, Ehuntze sormen espazioan.
- Martxoak 3, igandea:
- 12:00etan: Meza nagusia, Uxue Alberdi eta Amoranteren eskutitzak. Sarrerak, eskuragarri.
- 18:00etara: Sonetoak 20 modutara, Harkaitz Cano, Beñat Barandiaran eta Maite Larbururekin. Sarrerak, eskuragarri.
