Hasi da 40. Euskal Herriko Pala Txapelketa Irekia
Aurtengo gizonen txapelketan 78 bikotek eman dute izena, eta asteburuan zazpi partida jokatu dituzte. Emakumeena apirilean hasiko da.
Zutik Garbixu, Inda, Toledo epailea, San Miguel eta Epelde. Makurtuta, Zabala, Arrizabalaga, Iturbe eta Ormaetxea. Negu bukaera eta udara hasiera urrun daude, baina Oiartzunen bi sasoien arteko zubi lana egiten duen ezer bada, hori Euskal Herriko Pala Txapelketa Irekia da.
Aurtengo ekitaldia urteurren biribila izango da, 40. aldia izango baita txapelketa jokatuko dutena. Gizonen kategoria martxan jarri berri da, eta 78 bikotek eman dute izena. Ohi bezala, hiru mailatan banatu dituzte bikoteak.
Pasa den asteburuan jokatu dituzte lehenengo zazpi partidak: Lehen Mailako eta Hirugarren Mailako bina partida, eta Bigarren Mailako beste hiru.
Emakumeen txapelketa aurrerago hasiko da. Izena emateko epea apirilera arte dago zabalduta, Girizia elkarteko pilota sailak gogorarazi duenez.
Lehen Maila
- Epelde — San Miguel / Inda — Garbisu: 23-25.
- Zabala — Arrizabalaga / Iturbe — Ormaetxea: 25-11.
Bigarren Maila
- Arruti — Aranberri / Aldalur — Zubillaga: 12-25.
- Mitxelena — Olaizola / Sagrado — Castillo: 25-06.
- Telletxea — Telletxea / Agirre — Otaño: 25-15.
Hirugarren Maila
- Ruiz — Ibarguren / Egialde — Suspe: 17-25.
- Etxeberria — Etxeberria / Murua — Oiartzabal: 25-14.
