XVI. mendeko euskal nabigatzaileak, Albaolako presidente Xabier Agoteren hitzaldian
XVI. mendeko euskal nabigatzaileen inguruan ariko da Agote ostiralean. Zoom bidez jarraitu ahal izango da hitzaldia.
Albaola Itsas Kultur Faktoriako presidente eta fundatzaile Xabier Agote Mexikon egingo dituzten jardunaldi berezi batzuetan parte hartuko du bihar gauean (hilak 17, 01:00etan). Filipinak eta Mexikoren arteko harremanen inguruan ariko dira jardunaldi hauetan, eta Agote hizlari nagusietako bat izango da, Zoom bidez hitzaldia eskainiko baitu. Itsas ondarea garapen sozialeko faktore gisa eta Manilako lehen galeoiaren ezaugarriak izeneko hitzaldia emango du, ingelesez. Izan ere, nazioarteko parte hartzea espero da.
Honetan, Agotek XVI. mendeko historian euskal nabigatzaileek (Andres de Urdaneta, Juan Sebastian Elkano edo Miguel Lopez de Legazpi kasu) izan zuten garrantziaren inguruan ariko da.
Ekitaldia zuzenean jarraitu nahi dutenek inprimaki hau bete beharko dute aurretik. Saioa lotura honetan jarraitu ahal izango da.
