'La infiltrada' filmaren grabaketek mozketa gehiago eragingo dituzte
Astelehenean Donibane eta Lezo arteko bidean mozketa puntualak egingo dituzte eta Lezobidea kaleko aparkaleku batzuk ezingo dira erabili.
Lezobidea kaleko zenbait aparkaleku ezingo dira erabili. Joan den astetik, La infiltrada filmaren barruko zenbait grabaketa egiten ari dira Pasai Donibanen. Ondorioz, datorren astelehenean ere (hilak 19) grabaketek trafikoan eragina izango dutela jakinarazi du Udaltzaingoak. Donibane eta Lezo arteko GI-33440 errepidea tarteka moztuko dute. 7:00etatik 19:00ak bitartean izango dira mozketa horiek, bi minututik beherakoak izango direla aurreratu dute.
Mozketez gain, igandean (hilak 18) 22:00etatik aurrera Lezobidea kaleko aparkaleku batzuk kenduko dituztela ere jakinarazi du Udaltzaingoak, grabazio taldearen behar logistikoetarako. Filmazioa asteleheneko 19:00etan bukatzea aurreikusi dute, eta ordutik aurrera aparkalekua erabilgarri izango da berriro.
