23korrika
Gaur abiatuko da hamaika ekitaldi izango dituen Korrika Kulturala
Musika emanaldiak eta antzerkia izango dira asteburu honetako eskaintza. Otsailean 11 izango dira antolatutako ekitaldiak.
Korrika hasteko hilabete baino gutxiago falta da, eta aurretik ekitaldien jario handia egon ohi da, Korrika Kulturala izenpean.
Korrika Batzordeak propio antolatuta, edo beste eragileekin elkarlanean, egongo da zerekin gozatu datozen egunetan. Hamaika ekitaldi antolatuko dituzte, eta horietako 11 izango dira otsailean egingo direnak.
Asteburu honetan hasiko da Korrika Kulturala. Ibargaineko musikariek kontzertua emango dute gaur Landetxen, eta Delirium Tremensek eta Zurrounk taldeek hartuko diete lekukoa bihar gauean. Iganderako, antzerkia.
Otsaileko Korrika Kulturala
- Hilak 16, ostirala: Ibargain Musika Eskolakoen emanaldia. 19:00etan, Landetxe aretoan.
- Hilak 17, larunbata: Zurrounk eta Delirium Tremens. 22:00etan, Landetxen.
- Hilak 18, igandea: Gure xaharrak txotxongilo antzerkia. Oiartzungo Antzerkizaleen Elkarteak antolatuta. 19:00etan, Landetxen.
- Hilak 21, asteazkena: Goiatz Labandibarrekin solasaldia, Bekatua liburuaren aurkezpena. Literatura Plazara-ren barruan. 19:00etan Galdosenean.
- Hilak 22, osteguna: Euskararen paparazziak argazki lehiaketa. Oarsoaldeko Euskara Batzordeak antolatutako lehiaketa, martxoaren 18ra arte.
- Hilak 23, ostirala: ZtandP bakarrizketa, Mirari Martiarena eta Idoia Torregarairekin. 20:00etan, Landetxen.
- Hilak 24, larunbata: Ipuin kontaketa, Amaia Egidazurekin. Literatura Plazara-ren barruan. 11:00etan, pleno aretoan.
- Hilak 24, larunbata: Tabuen kutxatik oholtzara. Izan Inurri elkartearen eskutik. 18:00etan, Landetxe aretoan.
- Hilak 25, igandea: Badon: opera posdramatiko bat bost koadrotan. 19:00etan, Landetxe aretoan.
- Hilak 28, asteazkena: Xabier Lete, bertsoen neurrian, Jon Martinek gidatua. 19:00etan, Arizmendienean.
- Hilak 29, osteguna: Bizkarsoro filma. 19:00etan, Landetxe aretoan.
