Oiarpek bere 20. urteurrena ospatuko du martxoaren 23an
Egungo pilotariak, izan direnak, jarraitzaileak eta Oiarperen bueltako komunitatea gonbidatu dute mahaiaren bueltan urteurrena ospatzera.
Oiarpek 2005ean antolatu zueneko irudi bat. Hitzak artxiboan duen taldearen argazki zaharrenetako bat da. Oiarpe Kirol Elkarteak hogei urte beteko ditu aurten. Hori ospatzeko asmoz, bazkaria antolatu dute Oiarpekoek, martxoaren 23rako. Bazkaria Madalensoroko kantxan bertan izango da otordua, 14:00etan hasita. Bezperan pilota jaialdi berezi bat egingo dutela aurreratu du Oiarpek, eta datozen egunetan emango du kartelera horren berri.
Bi hamarkada hauetan pilotari izandakoak, gurasoak, jarraitzaileak eta pilota elkartearen komunitatean ibili direnak eta dabiltzanak gonbidatu dituzte bertara.
Haurrentzako eta helduentzako menuak prestatuko dituzte (behean ikus daitezke). Haurrenak 13 euroko prezioa izango du, eta helduenak, 38 eurokoa. Txartelak Oiarperen bulegoan —Madalensoron dago— erosi beharko direla jakinarazi dute.
Haurrentzako menua
- Makarroiak.
- Petxugak patatekin.
- Postrea.
- Edaria.
Helduentzako menua
- Bodega taula eta zainzuriak.
- Haragiz betetako piperrak.
- Bieira.
- Legatz betea.
- Limoi sorbetea.
- Arkume errea.
- Postrea: Goxua.
- Edaria, kafea eta kopa.
