Oiarperen asteburuko partiden kartelera (2024-02-23)
Oiarpeko pilotariek 22 norgehiagoka jokatuko dituzte asteburuan. Oihan Etxeberriak finalerdi bat jokatuko du.
Oihan Etxeberria Soraluzen arituko da asteartean. Oiarpe pilota elkarteko kirolariek 22 partida jokatuko dituzte asteburu honetan, lau egunetan banatuta. Gaur hasiko dira lehian, zortzi partidarekin. Horietako bost Madalensoron izango dira, eta partida sorta 18:00etan hasiko da.
Bihar beste bost norgehiagoka jokatuko dituzte etxeko pilotalekuan, 17:30ean hasita; beste bost jokatuko dira Oiartzundik kanpo. Etzi, berriz, hiru izango dira partidak. Gaurkoak, biharkoak zein igandekoak lehenengo edo bigarren fasetakoak izango dira.
Asteartean izango da Oiarperen jardunaldiko kanporaketa bakarra. Oihan Etxeberriak Soraluzeko Etorkizuneko Pilotariak kategoriako lau t’erdiko txapelketako finalerdia jokatuko du, Bergarako pilotalekuan. Iruñeko Oberena taldeko Daniel Sanchez izango du arerio. Finalerako txartela lortzeko buruz burukoa 19:30ean hasiko da.
Asteburuko partiden kartelera osoa ikusteko, egin klik esteka honetan.
