Galtzaraborda eta Fanderia, auzo batzarren dinamikaren hurrengo geltokiak
Alabergan hilaren 5ean, asteartearekin ziren bilera egitekoak, baina atzeratu egin dute. Udalak data berria zehaztu bezain pronto jakinaraziko duela esan du.
Galtzaraborda auzoan izango da bilera astelehenean. Auzo batzarrak egiten jarraitzen du Errenteriako Udalak. Dinamika horren barruan, datorren astean, Galtzaraborda eta Fanderiako auzoetara joko du auzo horietako bakoitzari begira aurreikusiak dituen proiektuak azaldu eta bizilagunen kezka, eskaera eta ekarpenak lehen eskutik jasotzeko.
Galtzarabordako auzo batzarra hilaren 4an, astelehenarekin izango da, 18:00etan erretiratuen elkartean—Urdaburu,23— eta Aizpea Otaegi alkatearekin batera, Bernar Lemos, Eneko del Amo eta Yolanda Martin zinegotziek hartuko dute parte.
Fanderiako auzo batzarra, hilaren 6an, asteazkenarekin egingo du udalak 18:00etan auzo elkartean. Aizpea Otaegi alkatearekin batera, Bernar Lemos, eta Yolanda Martin zinegotziek hartuko dute parte.
Alabergako batzarra, martxoaren 5erako zegoen aurreikusia, baina atzeratu egin dute. Laster jakinaraziko du udalak data berria.
Udalak bileran parte hartzera deitu ditu auzotarrak.
