M8ari begira, ekintza sorta aurkeztu dute
Labore, Wikiemakumeok, HatzaMarka eta Oiartzungo Asanblada Feminista arduratu dira egitaraua osatzeaz.
Itzaletik argira izenburupean, Labore, Wikiemakumeak, Hatza Markak eta Oiartzungo Asanblada Feministak martxo morea antolatu dute. M8ari begira, beraz, egitarau osoa antolatu dute herriko eragile horiek. Bihar, astelehena, hasiko da ekintza sorta, eta martxoaren 23ra (larunbatera) arte iraungo du. Hona hemen antolatu dituztenak:
Martxoak 2, larunbata
- 12:00etan, udaletxeko pleno aretoan: Amalur sari-banaketa ekitaldia. Saioa hirutan banatuko dute: “Elikadura Burujabetzaren bide-ikaspenak” hitzaldia, Mirene Begiristaini saria, eta Amillubi proiektuaren aurkezpena.
Martxoak 8, ostirala
- 18:30ean, herriko plazatik: Manifestazioa. Wikiemakumeei aitortza egingo zaie.
- 21:30ean, Girizia elkartean: Bertso afari feminista. Gai jartzailea Izaro Telletxea Delgado izango da, eta Irati Alcantarilla, Haizea Arana, Alaia Martin eta Ekhiñe Zapirain ariko dira kantuan. Sarrera eskuratu beharko da, oraindik eskuragarri ez badaude ere.
Martxoak 21, osteguna
- 19:30ean, Landetxen: Wikiemakumeak dokumentala. “DOnKumental KORALboratiboa” prestatu dute, Wikiemakumeok taldearen genealogiaz. Sarrera eskuratu beharko da, esteka honetan sakatuta.
Martxoak 23, larunbata
- 01:04ean, Pagoaldetik aurrera: Korrikaren kilometro feminista. 2.669.a izango da kilometro feminista. 00:50ean elkartuko dira, eta morez janzteko eskatu dute.