Jatorri askotariko emakumeak elkartuko dira Trintxerpen
Jatorri askotariko emakumeak elkartzeko guneak asteartean jarri du hurrengo hitzordua. Eskubide unibertsalez ariko dira, "gure jatorria edozein dela ere".
Pasaian jaio ala ez, lau barrutietan bizi diren emakumeek hitzordua izango dute datorren asteartean (hilak 6) Trintxerpen. Jatorri askotariko emakumeak elkartzeko guneak hurrengo bilkura egingo du alkateordetzan. Elkar ezagutu eta sareak sortzeko gunea da, “ezagutzarako eta eztabaidarako”, taldeko kideen arabera.
Astearteko saioan, martxoaren 8aren harira antolatutako egitarauaren barruan, “emakume guztiok ditugun eskubide unibertsalak” landuko dituzte, “gure jatorria edozein dela ere”.
Lau barrutietako emakume oro gonbidatu dute bilerara. 17:00etan hasiko dute, eta bi ordu inguruko iraupena izango dela aurreikusi dute antolatzaileek.
