Ostiraleko bertso afari feministan izena eman daiteke
Ekhiñe Zapiainek, Haizea Aranak, Alaia Martinek eta Irati Alcantarillak parte hartuko dute afarian. Izena emateko galdetegia bete behar da.
Ekhiñe Zapiainek, Haizea Aranak, Alaia Martinek eta Irati Alcantarillak parte hartuko dute ostiralean. M8aren harira antolatutako ekitaldiz betetako martxoa hasi berri da, eta horietako bat izango da ostiraleko bertso afari feminista. Hatzamarka neska gazteen taldeak eta Oiartzungo Feministen Asanbladak elkarlanean antolatu dute, martxoaren 8rako.
Girizia elkartean izango da bertsolaritza, otordua eta ikuspegi morea uztartuko dituen ekitaldia. 21:30ean hasiko da. Ekhiñe Zapiainek, Haizea Aranak, Alaia Martinek eta Irati Alcantarillak parte hartuko dute.
Jakinarazi dutenez, izena emateko galdetegi bat bete beharko da. Bakarka edo taldeka joango den adierazi beharko da, baita izena eta kontakturako modua ere. Horrez gain, aukera beganoaren alde egiten den hauta daiteke, eta alergia edota intolerantziak zehaztu beharko dira.
Langileek 15 euro ordaindu beharko dute, eta langabe, ikasle edo pentsionistentzako prezioa 12 eurokoa izango da. Ostiralean bertan ordaindu beharko da, elkartean sartu baino lehen.
