Oiartzuarrek bere partida eraman dute pala txapelketa irekian
Giriziak antolatutako pala txapelketan bederatzi partida jokatu dituzte. Aranburu eta Estefano oiartzuarrek Hirugarren Mailan eraman dute partida.
Zutik, Aranburu, Estefano, Toledo epailea, Diaz eta Zelaia. Makurtuta, Elizegi, Casilla, Irastorza eta Etxezarreta. Euskal Herriko Pala Txapelketa irekiak aurrera jarraitzen du. Asteburuan laugarren jardunaldia jokatu dute, bederatzi partidarekin. Hiruna jokatu dituzte lehen, bigarren eta hirugarren mailetan.
Oiartzuarrak partidetako batean aritu ziren. Aranburu eta Estefanok osatutako bikot oiartzuarrak Diaz eta Zelaiari alde handiarekin irabazi zieten: 25-10.
Gainontzeko partidei dagokienez, askotariko emaitzak eta jokoa ikusteko aukera izan zen Madalensoron. Partida onak, ez hain onak eta emaitza entsalada bat izan da asteburuan.
Hirugarren Maila
- Erdozia — Ibarnuru / Sola — Garin: 25-21.
- Aranburu — Estefano / Diaz — Zelaia: 25-10.
- Irastortza — Etxezarreta / Casillas — Elizegi: 09-25.
Bigarren Maila
- Errasti — Galarraga / Urrutia — Nuin: 21-25.
- Arana — Beloki / Otaño — Zubiarrain: 25-15.
- Aldalur — Zubillaga / Andonis — Etxabe: 25-11.
Lehen Maila
- Inda — Garbisu / Salegi — Seoane: 25-22.
- Arizmendi — Arriaga / Luixa — Conde: 25-15.
- Txaparro — Elezgarai / Salaberria — Martikorena: 17-25.
