Hauteskunde errolda eta mahaien kokapena, kontsultatzeko moduan
Apirilaren 21eko hauteskundeetan eratuko da Eusko Legebiltzarra. Hauteskunde errolda azaroaren 29ko datuekin osatu da.
Elizaldeko hauteslekua ikastetxe barrura bueltatuko da. Iñigo Urkullu lehendakariak hauteskundeak deitu zituen duela ia bi aste, apirilaren 21erako. Horren harira, hautets-errolda eta mahaien kokapenak kontsulta daitezkeela gogorarazi du Oiartzungo Udalak.
Errolda 2023ko azaroaren 29ko informazioaren baitan osatu dela nabarmendu dute. Alegia, egun horretan erroldatutako helbidearen baitan zehaztu du Espainiako Estatistika Institutu Nazionalak botoa herritar bakoitzak zein tokitan eman behar duen botoa.
Kontsulta egiteko epea gaur —hilak 4— hasi da, eta hilaren 11n bukatuko da. Hautesle-erroldaren kontra erreklamazioa egiteko epea epe berean egin beharko da.
Kontsultatzeko tokiak
- Aurrez-aurre: Udaletxeko idazkaritzan (NA, pasaportea edo gida-baimena erakutsi behar da).
- On-line. Oharra: @firma plataformarekin bat datozen ziurtagiri elektronikoren bat behar da, esaterako, NA-e, Izenpe, FNMT, etab. (B@kQ ziurtagiriak ez du balio).
- Ziurtagiri digitala ez duten hautesleek ere on-line jakin ahal izango dute zein hauteskunde-mahaian dagokien bozkatzea. Horretarako, hainbat datu eskatuko zaizkie: probintzia, udalerria eta lehen abizenaren lehen letra. Kontsultak hemen.
Elizaldeko hauteslekua, ikastetxean
Botoa emateko tokiei dagokienean, iaz egin zituzten aldaketak mantenduko dituzte: Ugaldetxoko bizilagunek auzoko lokal berrian eman beharko dute (Rafael Pikabea etorbidea 56-58) eta iturrioztarrek Dorretxean (Ozentzio kaleko 3. zenbakian; Zirauki kaleko atetik sartu beharko da).
Elizaldeko hauteslekua izango da hitzordu honetan berritasun bakarra, udalak gogorarazi duenez. Elizalde ikastetxean egongo dira auzotarren boto-kutxak, baina frontoian izan beharrean oraingoan ikastetxe barruan, lehen egoten ziren tokian.
Gainontzeko tokiak berdin mantenduko direla zehaztu dute. Honakoak izango dira:
- Elizalde: Elizalde ikastetxea (Manuel Lekuona etorbidea 5).
- Iturriotz: Dorretxean (Ozentzio kalea 3 behea, sarrera Zirauki kaletik).
- Arragua: Anbulatorioan (Lartzabal etxadia z/g).
- Altzibar eta Karrika: Altzibarko eskoletan (Agerrealde etxadia 7).
- Ergoien: Auzokalte elkartean (Tornola kalea 4).
- Gurutze: Bizardia elkartean (Gurutze bidea 18).
- Udaldetxo: Auzoko udal lokalean (Rafael Pikabea 56-58).
