Hirugarren garaipena jarraian kateatu dute
OKEko mutilen talde nagusiak olatua hartu du: hirugarren garaipena lortu dute. Areto futbolean, garaipena Lehen Mailan, eta berdinketa.
Oiartzun Kirol Elkarteko mutilen talde nagusia boladan dago negu bukaera honetan: hirugarren partida jarraian irabazi du, denboraldiko markarik onena. Oraingoan biktimak Beti Gaztekoak izan dira.
Eguraldi kaxkarraren erasopean, oiartzuarrek ongi eutsi zieten lesakarrei, nahiz eta galtzen hasi ziren. Borrokak bere fruitua eman zuen, eta Aitzuriren bi golek eman zioten garaipena oiartzuarrei. 45. eta 55. minutuetan lortu zituen golak aurrelari oiartzuarrak.
Kateatutako garaipenei esker, zortzigarren postura egin dute jauzi oiartzuarrek. Goiko postuak urruti dituzte, baina behekoak urrutiago.
Areto futbolean, porrotik ez
Areto futboleko taldeak astebeteko atsedenaldiaren ondoren berrekin zion lehiari. Ez hala moduz, gainera. Andoainen jokatu zuten, eta Euskalduna jipoitu.
Lehenengo zatian bi taldeek izan zituzten aukerak, baina Oiartzunek bakarrik asmatu zuen, behin. Bigarren zatia beste kontu bat izan zen. Oiartzuarrak jaun eta jabe izan ziren, eta lehen hamar minutuetan sartutako hiru golei esker partida erabakita utzi zuten. Andoaindarrek ohorearen gola izango zena sartu zuten, oiartzuarrek biribildu aurretik.
Bigarren taldeak, berriz, Makax Gorka Margoak Donostiako taldearen bisita jaso zuen. Oiartzuarrak ongi hasi ziren, defentsan sendo eta erasoan aukerak sortuz. Kontraeraso batean partidan aurreratzea lortu zuten, atsedenaldira iritsi aurretik.
Bigarren zatian, beste kontraeraso bat aprobetxatuta, bigarren gola lortu zuen Miren Tabernak. Hala ere, donostiarrak esnatu ziren, eta partida berdintzea lortu zuten. Oiartzuarrek partida eramateko aukerak izan zituzten partidaren bukaeran, baina ez zuten asmatu.
Areto futboleko bi taldeek bigarren postuan jarraitzen dute, bakoitzak bere ligan, liderrarengandik hiruna puntura. Lehen taldearen kasuan, partida bat gutxiago jokatu dute.
Emakumeen 3. RFEF Maila
- Oiartzunen liga datorren asteburuan bueltatuko da.
Gizonezkoen Ohorezko Erregional Maila
- Oiartzun — Beti Gazte: 2-1.
Emakumeen Euskal Liga
- Anaitasuna — Oiartzun B: 5-1.
Gizonen Lehen Erregionala. Kopa M-1.
- Oiartzun B — Antigua-Luberri: 1-5.
Emakumeen Ohorezko Erregional Maila
- Oiartzun C — Debagoiena Bailara: 1-1.
Mutilen Gazte Mailako Euskal Liga
- Oiartzun — Lakua Arriaga: 1-2.
Mutilen Gazte Mailako Gorengo Maila
- San Marcial B — Oiartzun B: 1-2.
Mutilen Gazte Mailako Lehen Maila
- Orereta Kafea — Oiartzun C: 0-4.
ARETO FUTBOLA
Gizonen Gipuzkoako Lehen Maila
- Euskalduna — Oiartzun: 1-5.
Gizonen Gipuzkoako Bigarren Maila
- Miren Taberna — Makax Gorka Margoak: 2-2.
